: قال رسول الله : : : العمر : : 36 الْمَشِارَكِات : 17تاريخ التسجيل : 23/07/2008
موضوع: ....صداقه الشباب والبنات.... الخميس أغسطس 14, 2008 1:35 pm
ديما بنسمع اهالينا يقولولنا:عيب البنت تصاحب ولد،ليه تصاحبى ولد البنات كتير،صداقه الولاد بتجيب المشاكل.....الى اخره من النصايح والقلق. و فعلا كلامهم بيبقى بدافع القلق والخوف وده شئ اكيد. معظم البنات بيحسوا ان صداقتهم للولاد بتكون اقوى من البنات وده لان البنات احيانا بيبقى عندهم شعور بالغيره او الحقد لبعضهم وده طبعا مش فى كل الناس بس موجود فى البعض و الصديقه الى تغير منك عشان شئ موجود عندك ومش موجود عندها حتى ولو كان شئ بسيط جدا بتلاقيها فى بعض الاحيان تبعد عنك شويه او تعمل معاكى مواقف تضايقك،لكن الولد عمره ما بيغير من البنت. بس هل شعورك ان الولد صداقته افضل واقوى سبب كافى يخليكى تتسرعى فى اختيارك لاصدقائك؟!!! لازم تختارى اصحابك بحذر شدييييييييييد جدا وخصوصا الولاد،ده لانك لو اتسرعتى فى اختيار الصديق ده ممكن فعلا يسببلك مشاكل و اشاعات و مواضيع ممكن يبقى صعب حلها...و الوقايه خير من العلاج. انا مش ضد صداقه الولد والبنت طالما الصداقه دى فى حدود الادب والاخلاق ولازم ديما يكون فى حدود للبنت والولد فى التعامل مع بعض،وهنا ييجى دورك انك تختارى الصديق المحترم الى يحترمك ويفهم معنى الحدود دى و يعتبرك فعلا اخت ليه وفى بعض الاحيان ممكن تلاقيه بينصحك و يخاف عليكى زى اخته وده شئ جميل جدا ولازم تكونى واثقه فى الشخص الى بتتعاملى معاه انه يستحق صداقتك و تقديرك واحترامك.........
موضوع: ....صداقه الشباب والبنات.... .gif)
تحياتى
